NASTAVLJENA USPJEŠNA SARADNJA OFK “BORAC” I FIRME “ARCH AND SOUL”

Predstavnici OFK “Borac”, koji se ove godine uspješno takmiči u trećem rangu crnogorskog fudbala (Sjevernoj regiji), Samir Fetić i Enis Lukač danas su bili gosti firme “Arch and Soul”, čiji je direktor Nusret – Garo Mekić.

Inače ova renomirana firma od samog osnivanja OFK “Borac” daje ogromnu podršku u radu, pa podrška nije izostala i na početku ove godine, pa je ova firma sponzorisala nabavku sportske opreme, trenerke, za seniorski tim.

Predsjednik OFK “Borac”, Samir Fetić, iskoristio je ovu posjetu da predstavnicima firme Arch and Soul predstavi do sada postignute rezultate kao i planove za dalji rad i razvoj kluba, a uručio je i poklon, trenerku kluba, gospodinu Mekiću i zahvalio mu se na podršci koju on i njegova firma pružaju klubu svih ovih godina.

U izjavi za naš portal Fetić je dodao kako se nada da će i ostali privrednici iz našeg grada znati da prepoznaju kvalitet rada i da će dati svoj doprinos u daljem razvoju OFK “Borac”.