UČENICI SREDNJE STRUČNE ŠKOLE OBILJEŽILI SVJETSKI DAN HRANE I SVJETSKI DAN HLJEBA

Svjetski dan hrane i Svjetski dan hljeba obilježavaju se 16. oktobra, a danas je ovaj dan obilježen u Srednjoj stručnoj školi.

Kako navode iz ove škole ovaj važan datum , koji se svake godine slavi 16. oktobra, ima za cilj podizanje svijesti o globalnoj borbi protiv gladi i promovisanje održivih načina proizvodnje hrane.

Obilježavanje dana započelo je predavanjem koje je organizovano za učenike prvog razreda.

Profesori su učenicima predstavili značaj hrane za ljudski život, kao i savremene izazove u proizvodnji i distribuciji hrane. Učenici su imali priliku da postavljaju pitanja i aktivno učestvuju u diskusiji, što je dodatno obogatilo ovo predavanje!

Nakon toga su učenice u školskoj kuhinji pripremale domaći hljeb.
Hljeb je vrsta hrane koja se pravi pečenjem tijesta čiji su osnovni sastojci brašno i voda. Najčešće se dodaju i so, kvasac, šećer i jestivo ulje, a ponekad i začini (susam). Hljeb je dugo vremena osnovna namirnica u ishrani u mnogim kulturama.

Obilježavanje Svjetskog dana hrane i Svjetskog dana hljeba tradicionalno se realizuje u JU Srednjoj stručnoj školi u Bijelom Polju i pružilo je odličnu priliku za podizanje svijesti među mladima o značaju hrane i izazovima s kojima se susrećemo u savremenom društvu. Ovakvi događaji doprinose obrazovanju i oblikovanju svijesti kod učenika, što je od presudnog značaja za budućnost našeg društva.

Aktivnost su realizovali profesori prehrambene grupe predmeta, a učestvovali su učenici iz obrazovnih programa Prehrambeni tehničar, Proizvođač prehrambenih proizvoda i Pekar.