MUŠKARCI MANJE KUPUJU CVIJEĆE OVE GODINE, CIJENE PRISTUPAČNE

MUŠKARCI MANJE KUPUJU CVIJEĆE OVE GODINE, CIJENE PRISTUPAČNE

I ove godine osmomartovska prodaja poklona i cvijeća obavlja se na Gradskom trgu, gdje je postavljeno nekoliko tipskih tezgi za prodaju.

Redakcija VBP portala danas je posjetila ulične prodavce koji godinama prodaju predivno cvijeće.

MUŠKARCI MANJE KUPUJU CVIJEĆE OVE GODINE, CIJENE PRISTUPAČNE

Kako saznajemo od prodavaca, cijene nijesu visoke, pristupačne su. Ali, kako kažu, iz godine u godinu sve je manja posjećenost od strane muškaraca.

“ Što se tiče prodaje, cijene su pristupačne i ništa se nije promijenilo od prošle godine. Moj štand je posjećen i ove godine, tako da sam zadovoljna. Trudimo se da mušterije budu zadovoljne. Cijene su pristupačne, posjećenosti ima. U ovom poslu sam već 30 godina i mogu reći da sam zadovoljna”, navodi sugrađanka koja se godinama unazad bavi ovim poslom.

Na tezgama se može naći veliki izbor saksijskog, rezanog cvijeća, ručnih radova i raznih cvijetnih aranžmana.

Zanimljiv podatak do kojeg smo došli jeste da iako bi muškarci trebali više kupovati poklone ljepšim polovinama kako bi za Dan žena obradovali svoje majke, žene, ćerke, tetke, starine i sl. Ipak to nije slučaj, prema riječima sugrađanke ove godine najčešći posjetioci i kupci bile su upravo žene.

“Puno je veća posjećenost ženskog pola, dok je posjećenost od strane muškog pola puno manja, žene uglavnom više kupuju ruže, nego muškarci, primjećujem da žele da obraduju jedne druge, žene kupuju majkama, koleginicama, učiteljicama, a muškarci naše tezge sve manje posjećuju”, zaključuje sugrađanka.