JU OŠ “NEDAKUSI” 22 GODINE USPJEŠNOG RADA

JU OŠ “NEDAKUSI” 22 GODINE USPJEŠNOG RADA

Ove godine naša škola obilježava 22 godine uspješnog rada. Iako relativno mlada, naša škola je iznjedrila veliki broj, prije svega čestitih ljudi, stručnjaka iz raznih oblasti, prepoznatih u našem gradu, Crnoj Gori, ali i izvan granica naše države.

Na radost učenika, nastavnika, ali i brojnih roditelja, nakon dvije godine pauze, prigodnim programom obilježili smo rođendan naše škole.

Učešće u obilježavanju ovog važnog datuma, kojim se predstavlja rad škole u školskoj godini koja je na izmaku, uzeo je veliki broj učenika i nastavnika.

Tako je ponedjeljak, 6. jun protekao u znaku osmijeha, igre, pjesme, recitacija i dramskih prikaza, kojima su učenici pobrali simpatije publike, te zajedno sa svojim nastavnicima, čestitali školi ovaj poseban dan.
Posebno želimo ovom prilikom da pozdravimo naše polumaturante.

Tradicionalno i ove godine proglašen je đak generacije, a ta titula ovaj put pripala je sjajnom Tariku Bećiroviću.

Na današnjoj manifestaciji osim Tariku Bećiroviću, Luča je dodijeljena i Albinu Jahjagiću.
Za odličan uspjeh i primjerno vladanje pohvaljeni i nagrađeni su sljedeći učenici IX razreda:
Sofija Konatar, Daris Bektašević, Ilhan Drpljanin, Haris Ećo, Adin Čelebić i Emil Džogović.

Naši učenici iz dana u dan , iz godine u godinu svojim postignućima govore o svom znanju i vaspitanju, o radu, ljubavi njihovih nastavnika i roditelja. Oni su ponos i pravo ogledalo nas kao ustanove.

Želimo da lice naše škole bude okupano osmijehom svakog učenika.