EKIPA VATROGASACA SE SPUŠTALA KROZ CIJEVI DA BI SPASILI PSA

Poslije dan – dva uz pomoć naših vatrogasaca uspješno izvučen pas iz šahte.

„Prije dan – dva pas je propao u rupu, ne bih znao tačno da kažem kad. Odgovorni građani su prijavljivali slučaj. Ekipa je već izlazila na lice mjesta i imali smo problem što bi se pas čas čuo, čas ne. U jednoj šahti više zaobilaznice je pas propao. Zatim kako se pretpostavlja otišao je kroz cijevi za vodu, gdje se na polovini puta zaustavio. Ekipa se spustila kroz šahtu, dubine oko četiri metra, zatim kroz cijevi prošla, na donjoj strani gdje voda ide ka Limu. U ovoj akciji učestvovale su dvije ekipe, otprilike osam vatrogasaca, koji su se stepenicama spustili do cijevi. Zatim su u cijevi ušli, odnosno ekipa se morala provlačiti da bi mogli da doći do njega.

Tako su uspjeli da ga evakuišu odnosno da ga izbave, na donjoj strani gdje voda ide ka Limu. Pas je toliko bio radostan kad smo ga izbavili da je pobjegao kao oparen. Akcija spašavanja je trajala otprilike tri sata od 07:00 do 10:00 časova, najviše vremena je oduzelo traženje psa, zato što je imalo više izlaza, a on je konstantno bježao. Pas na svu sreću nije bio povrijeđen, jedino je malo bio iznemogao zato što je u toj šahti bio dan – dva“, rekao je Milonja Rakonjac za „Vijesti iz Bijelog Polja“.