BALIJAGIĆ SE VRATIO U CRNU GORU? PRIMIJEĆEN U SELU OBARDE

BALIJAGIĆ SE VRATIO U CRNU GORU? PRIMIJEĆEN U SELU OBARDE

Alija Balijagić, odbjegli ubica je noćas primijećen u selu Obarde u kome su danima vojska i policija.

– Noćas negdje između dva i pola tri Alija je bio iza jedne kuće, koje su na kraju sela, blizu šume. Kerovi su lajali, jedna žena je ustala kad je čula lavež i vidjela je Aliju, koji je odmah otišao u šumu i zamakao iza brda. I vojska ga je vidjela na nadzornim kamerama jutros i utvrdila da je između dva i pola tri bio iza kuća. Šetao se tuda, šunjao, ali su i psi počeli lajati, izašla je ta žena i pobjegao je – kaže za Kurir Slavko Zindović Iz Obarda.

Sve ovo je jutros, kako kaže, saznao od vojske, koja je obišla sve kuće u selu i skinula snimke sa svih nadzornih kamera.

– Gledali su snimke i s nadzorne kamere moje kuće, ali ga nisu na njima vidjeli. Moja kuća je u centru sela, očigledno je išao samo po obodu sela – kaže Slavko, koji dodaje i da nije uplašen:

– Ne plašim ga se. I nije ovo prvi put da Aliju traže po našem selu. Prije dvadesetak godina se isto krio po Obardama, a kasnije je uhvaćen u Priboju – kaže Zindović.

Izvor: Kurir