SINĐIĆ: POŠALJEMO DJECU DA SPAVAJU, A MI STRAŽARIMO PO CIJELU NOĆ

SINĐIĆ: POŠALJEMO DJECU DA SPAVAJU, A MI STRAŽARIMO PO CIJELU NOĆ

Stanovnici Sokolca žive u stalnom strahu, a kako navode, od države traže samo zaštitu.

Jedna od mještanki Sokolca Đele Sinđić, opisuje svakodnevne strahove i razočaranje zbog odsustva zaštite koju su im nadležni obećali.

“Strašno, užasno, nema nikakve zaštite ni sigurnosti. Kažu, vojska štiti, a juče taj glavni, na groblju su sahranili Madžgalje. Jutros izlazim i nema nikoga – ni vojske, ni petog, ni devetog. Ujutro namirimo stoku, Bože oprosti, pa se ili vratim ili se ne vratim. Preko noći ne spavam ni sekunde; djecu pošaljemo da spavaju, a ja i čovjek stražarimo čitavu noć. Stresiram se. Oni neka počivaju u miru, a nama je sada još gore”, kazala je Sinđić.

Mještanka apeluje na vlasti, tražeći hitnu pomoć i zaštitu, naglašavajući da stariji građani najviše strahuju za sigurnost svoje djece u ovim nesigurnim vremenima.

“Ne tražim ništa, samo malo zaštite od države. Gdje je taj Spajić? Gdje je predsjednik države, gdje je predsjednik opštine i svi redom? Molim vas, zaštitite nas. Ako ne možete, recite nam u lice – nema zaštite, radite kako znate i možete. Molim vas za ljudska prava, nešto što bi moglo osigurati našu djecu. Nije bitno za nas starije, ali molim vas, to tražim i ništa više. Policija, ništa – ni da dođu, ni da ujutro pitaju jesmo li živi, nema sigurnosti, nemam šta više reći”, kazala je sugrađanka za VBP portal.