BRAJKOVIĆ: OSUMNJIČENI JE NAORUŽAN DOLAZIO NA NAŠA VRATA, HTIO JE DA UĐE U KUĆU

BRAJKOVIĆ: OSUMNJIČENI JE NAORUŽAN DOLAZIO NA NAŠA VRATA, HTIO JE DA UĐE U KUĆU

Mještani sela Sokolac ističu da strahuju za svoju bezbjednost.

Sugrađanka Slobodanka Brajković koja je prva komšinica stradalih navodi da je osumnjičeni Alija Balijagić dolazio i na njena vrata.

“Oni su mi prve komšije, 50 godina kako sam došla ovdje, toliko mi ih je žao kad se to sinoć trefilo, to je nezapamćeno, da se ne može prebroditi i preživjeti. Kada sam čula da je izbila policija, čula sam “baba, otvori prozor, samo nešto da ti kažem”, ja sam rekla ne smijem da ti otvorim. On (policija) je rekao “otvori baba prozor, slobodno ne boj se, ovo dvoje ovamo ubi ovaj čovjek, a vi nemojte vrata da otvarate”, navodi Brajković za VBP portal.

Balijagić je juče pokucao i na Slobodankina vrata, te je pitao da li može ući kuću, što Slobodanka nije dozvolila. Ona napominje da je osumnjičeni bio naoružan.

“Na sebi je imao čizme, šarenu trenerku, puščetinu, šaržer oko sebe, naoružan, pa kaže, dajte mi rakiju, ja kažem ne, nema rakije, mi još nismo rakiju ispekli”, navodi mještanka Sokolca.

Ona dodaje da je prije par dana upravo komšinica koju je osumnjičeni ubio, nju upozorila da se neko pojavio u selu te da se zaključaju u kuću.